人生

作詞：楊大正   作曲：楊大正  台語拼音：關德樂

一張白紙 踮在這个彩色世界
tsi̍t tiunn pe̍h-tsuá  liam tsāi tsit-ê tshái-sik sè-kài

變成你佮我
piàn-sîng lí kah guá

一陣有思想的人 踮在這个現實社會
tsi̍t tīn ū su-sióng ê lâng  liam tsāi tsit-ê hiān-si̍t siā-huē

受環境來拖磨
siū khuân-kíng lâi thua-buà

但是阮知影 路愛家己行
tān-sī gún tsai-iánn  lōo ài ka-tī kiânn

無論這條路上敢有人做伴
bô-lūn tsit-tiâu lōo siōng kám ū lâng tsuè  puānn

但是阮知影 夢愛家己拍拚
tān-sī gún tsai-iánn  bāng ài ka-tī phah-piànn

無論這條路上 是坎坷抑是孤單
bô-lūn tsit-tiâu lōo siōng  sī khám-khia̍t ia̍h-sī koo-tuann

人生這齣電影 就算閣較艱苦嘛愛繼續搬
lîn-sing tsit tshut tiān-iánn  tio̍h-sǹg koh khah kan-khóo mah ài kè-sio̍k puann

用咱的跤步 行出屬於咱的路
iōng lán ê kha-pōo  kiânn tshut sio̍k-î lán ê lōo

毋管別人按怎講 按怎看
m̄-kuán pa̍t-lâng án-tsuánn kóng  án-tsuánn khuànn

人生這齣電影 就算閣較艱苦嘛愛繼續搬
lîn-sing tsit tshut tiān-iánn  tio̍h-sǹg koh khah kan-khóo mah ài kè-sio̍k puann

用咱的希望 行出屬於咱的路
iōng lán ê hi-bāng  kiânn tshut sio̍k-î lán ê lōo

堅持咱的夢 活出精彩的性命
kian-tshî lán ê bāng  ua̍h tshut tsing-tshái ê sìnn-miā

但是阮知影 路愛家己行
tān-sī gún tsai-iánn  lōo ài ka-tī kiânn

無論這條路上敢有人做伴
bô-lūn tsit-tiâu lōo siōng kám ū lâng tsuè  puānn

但是阮知影 夢愛家己拍拚
tān-sī gún tsai-iánn  bāng ài ka-tī phah-piànn

無論這條路上 是坎坷抑是孤單
bô-lūn tsit-tiâu lōo siōng  sī khám-khia̍t ia̍h-sī koo-tuann

人生這齣電影 就算閣較艱苦嘛愛繼續搬
lîn-sing tsit tshut tiān-iánn  tio̍h-sǹg koh khah kan-khóo mah ài kè-sio̍k puann

用咱的跤步 行出屬於咱的路
iōng lán ê kha-pōo  kiânn tshut sio̍k-î lán ê lōo

毋管別人按怎講 按怎看
m̄-kuán pa̍t-lâng án-tsuánn kóng  án-tsuánn khuànn

人生這齣電影 就算閣較艱苦嘛愛繼續搬
lîn-sing tsit tshut tiān-iánn  tio̍h-sǹg koh khah kan-khóo mah ài kè-sio̍k puann

用咱的希望 行出屬於咱的路
iōng lán ê hi-bāng  kiânn tshut sio̍k-î lán ê lōo

堅持咱的夢 活出精彩的性命
kian-tshî lán ê bāng  ua̍h tshut tsing-tshái ê sìnn-miā