07 – 風颱心情

青春的一切攏竟然是完全的思念
tshing-tshun ê it-tshè lóng kìng-liân sī uân-tsuân ê su-liām

妳是日時喝的水妳是我暗時作的夢
lí sī ji̍t-sî lim ê tsuí lí sī guá àm-sî tsoh ê bāng

戀愛的主題不一定是離合甲悲歡
luân-ài ê tsú-tê bô-it-tīng sī lî-ha̍p kah pi-huan

也有永遠的戀情甲永遠相愛的兩個人
mā ū íng-uán ê luân-tsîng kah íng-uán siong-ài ê nn̄g-ê lâng

我嘛有想過妳我不是完全沒希望
guá mah ū siūnn kuè lí guá m̄ sī uân-tsuân bô hi-bāng

我是水底的石頭妳是月藏在雲中間
guá sī tsuí-té ê tsio̍h-thâu lí sī gue̍h tshàng tī hûn tiong-kan

想要來挽回對妳說出完全的抱歉
siūnn-beh lâi bán-huê tuì lí kóng-tshut uân-tsuân ê phō-khiàm

一定是我來誤解妳一定不是妳欲要一個人
it-tīng sī guá lâi gōo-kái lí it-tīng m̄ sī lí beh ài tsi̍t ê lâng

是妳的風颱心情好壞不定話講顛倒反
sī lí ê hong-thai sim-tsîng hó pháinn bô-tīng uē-kóng tian tò píng

說你要來離開我結果是欲要我隨妳行
kóng lí beh lâi lī-khui guá kiat kó sī beh ài guá tuè lí kiânn

是妳的風颱心情好壞不定我又沒耐心
sī lí ê hong-thai sim-tsîng hó pháinn bô-tīng guá koh bô nāi-sim

我是一個大憨人代誌未凍想到這多項
guá sī tsi̍t ê tuā gōng lâng tāi tsì buē tàng siūnn-tio̍h tsiah tsē hāng

安呢對妳來表白甘是太超過若是沒超過
an neh tuì lí lâi piáu-pe̍h kam sī siunn tshiau-kuè ná sī bô tshiau-kuè

跟我說妳到底在佗
kā guá kóng lí tàu-té tī tué

我嘛有想過妳我不是完全沒希望
guá mah ū siūnn kuè lí guá m̄ sī uân-tsuân bô hi-bāng

雖然緣份已經盡對你的愛如今續未完
sui-jiân iân-hūn í-king tsīn tuì lí ê ài lû-kim suà buē uân

想要來挽回對你說出完全的抱歉
siūnn-beh lâi bán-huê tuì lí kóng-tshut uân-tsuân ê phō-khiàm

只是時間過這久妳可能也熟悉到別人
tsí-sī sî-kan kuè tsia kú lí khó-lîng iā si̍k-sāi tio̍h pa̍t-lâng