作詞:楊大正 作曲:楊大正 編曲滅火器 台語拼音:關德樂
徛佇遮 冬天的海岸
khiā tī jia tang-thinn ê hái huānn
恬恬聽我講出心情
tiām tiām thiann guá kóng tshut sim-tsiânn
困頓的生活何時才會煞
khùn tùn ê sing-ua̍h hô-sî tsiah ē suah
斟酌聽 冬天的海岸
tsim-tsiok thiann tang-thinn ê hái huānn
我用倔強改變運命
guá iōng khut-kiông kái-piàn ūn-miā
生活愈歹過 我會用力唱甲愈大聲
sing-ua̍h lú pháinn-kuè guá ē iōng la̍t tshiùnn kah lú tuā-siann
徛佇遮 感受天色變化
khiā tī jia kám-siū thinn-sik piàn-huà
佇暗頭時金色海岸我一个人
tī àm-thâu sî kim-sik hái-huānn guá tsi̍t ê lâng
這幾年四界走傱的生活
tsit-kuí-nî sì-kuè tsáu-tsông ê sing-ua̍h
毋知影按怎講出我心中的孤單
m̄ tsai-iánn án-tsuánn kóng-tshut guá sim-tiong ê koo-tuann
肩擔所有人對你的期望有千萬斤重
king tànn sóo-iú lâng tuì lí ê kî-bāng ū tshian-bān kun tāng
我嘛想欲成功 但是成功是啥
guá mah siūnn-beh sîng-kong tān-sī siūnn-kong sī siánn
你的夢中的理想的生活佇千里之外
lí ê bāng-tiong ê lí-sióng ê sing-ua̍h tī tshian-lí tsi-guā
這馬我只想欲恬恬徛佇遮
tsit-má guá tsí siūnn-beh tiām tiām khiā tī jia
徛佇遮 感受心情變化
khiā tī jia kám-siū thinn-sik piàn-huà
佇入夜的烏色海岸我一个人
tī ji̍p iā ê oo-sik hái huānn guá tsi̍t ê lâng
這幾年 將人情冷暖看破
tsit-kuí-nî tsiòng lîn-tsîng líng luán khuànn phuà
真心的朋友有幾人 我用心感謝
tsin-sim ê pîng-iú ū kuí lâng guá iōng-sim kám-siā
肩擔所有人對你的期望有千萬斤重
king tànn sóo-iú lâng tuì lí ê kî-bāng ū tshian-bān kun tāng
我嘛想欲成功 但是成功是啥
guá mah siūnn-beh sîng-kong tān-sī siūnn-kong sī siánn
你的夢中的理想的生活佇千里之外
lí ê bāng-tiong ê lí-sióng ê sing-ua̍h tī tshian-lí tsi-guā
這馬我只想欲恬恬徛佇遮
tsit-má guá tsí siūnn-beh tiām tiām khiā tī jia
徛佇遮 冬天的海岸
khiā tī jia tang-thinn ê hái huānn
恬恬聽我講出心情
tiām tiām thiann guá kóng tshut sim-tsiânn
困頓的生活何時才會煞
khùn tùn ê sing-ua̍h hô-sî tsiah ē suah
斟酌聽 冬天的海岸
tsim-tsiok thiann tang-thinn ê hái huānn
我用倔強改變運命
guá iōng khut-kiông kái-piàn ūn-miā
生活愈歹過 我會用力唱甲愈大聲
sing-ua̍h lú pháinn-kuè guá ē iōng la̍t tshiùnn kah lú tuā-siann
毋是毋捌想過放棄我的夢
m̄ sī m̄ bat siūnn kuè hòng-khì guá ê bāng
放棄理想的生活
hòng-khì lí-sióng ê sing-ua̍h
總是問我家己敢無夠拍拚
tsóng-sī mn̄g guá ka-kī kám bô-kàu phah-piànn
敢是家己傷荏懶
kám sī ka-kī siunn lám-nuā
才會活甲遮爾忝
tsiah ē ua̍h kah tsiah-nī thiám
徛佇遮 冬天的海岸
khiā tī jia tang-thinn ê hái huānn
恬恬聽我講出心情
tiām tiām thiann guá kóng tshut sim-tsiânn
困頓的生活 何時才會煞
khùn tùn ê sing-ua̍h hô-sî tsiah ē suah
斟酌聽 冬天的海岸
tsim-tsiok thiann tang-thinn ê hái huānn
我用倔強改變運命
guá iōng khut-kiông kái-piàn ūn-miā
生活愈歹過 我會用力唱甲愈大聲
sing-ua̍h lú pháinn-kuè guá ē iōng la̍t tshiùnn kah lú tuā-siann
徛佇遮 冬天的海岸
khiā tī jia tang-thinn ê hái huānn
恬恬聽我講出心情
tiām tiām thiann guá kóng tshut sim-tsiânn
困頓的生活 何時才會煞
khùn tùn ê sing-ua̍h hô-sî tsiah ē suah
斟酌聽 冬天的海岸
tsim-tsiok thiann tang-thinn ê hái huānn
我用倔強改變運命
guá iōng khut-kiông kái-piàn ūn-miā
生活愈歹過 我會用力唱甲愈大聲
sing-ua̍h lú pháinn-kuè guá ē iōng la̍t tshiùnn kah lú tuā-siann
One thought on “12 – 站在這裡”