作詞：郭大誠 作曲 ：日本曲 台語拼音：關德樂
初戀愛情酸甘甜 五種氣味唷
tshoo luân-ài tsîng sng kam tinn gōo tsióng khì-bī ioh
若聽一句我愛你 滿面是紅吱吱
ná thiann tsi̍t kù guá ài lí muá-bīn sī âng ki-ki
尤其是小姑娘心內是真歡喜
iû-kî sī sió koo-niû sim-lāi sī tsin huann-hí
表面上她革甲真生氣喔
piáu-bīn siōng i kik kah tsin siū-khì ooh
啊……伊……會巴比補
ah……i……ē pa pí póo
初戀愛情酸甘甜 五種氣味唷
tshoo luân-ài tsîng sng kam tinn gōo tsióng khì-bī ioh
若聽一句我愛你 滿面是紅吱吱
ná thiann tsi̍t kù guá ài lí muá-bīn sī âng ki-ki
熱戀的人真趣味 歡頭喜面唷
jia̍t luân ê lâng tsin tshù-bī huan thâu hí bīn oh
愛情熱度像火箭 燒滾滾直直去
ài tsîng jia̍t-tō͘ tshiūnn hué-tsìnn tshuh kún kún ti̍t ti̍t khì
不管是落雨天或者是風颱天
bô-kuán sī lo̍h hōo thinn ia̍h tio̍h sī hong-thai thinn
猶原是約做陣談情愛唷
iu-guân sī iok tsò-tīn tâm tsîng-ài oh
啊……伊……會巴比補
ah……i……ē pa pí póo
熱戀的人真趣味 歡頭喜面唷
jia̍t luân ê lâng tsin tshù-bī huan thâu hí bīn oh
愛情熱度像火箭 燒滾滾直直去
ài tsîng jia̍t-tō͘ tshiūnn hué-tsìnn tshuh kún kún ti̍t ti̍t khì
狂戀的人有勇氣 不驚一切唷
kông luân ê lâng ū ióng-khì m̄ kiann it-tshè oh
無論三更也半瞑 墓仔埔也敢去
bô-lūn sann-kenn iā puàn mê bōng-á poo iā kánn khì
只要是心愛的時時來面對面
tsí-iàu sī sim-ài ê sî sî lâi bīn tuì bīn
才袂像瘋狗亂亂撞唷
tsiah-bē lâi tshiūnn siáu-káu luān luān tsōng ioh
啊……伊……會巴比補
ah……i……ē pa pí póo
戀狂的人有勇氣 不驚一切唷
kông luân ê lâng ū ióng-khì m̄ kiann it-tshè oh
無論三更也半瞑 墓仔埔也敢去
bô-lūn sann-kenn iā puàn mê bōng-á poo iā kánn khì
墓仔埔也敢去…………
bōng-á poo iā kánn khì…………
台客鬼 