陳建瑋 – 台北哪會攏嘸人


歌詞:陳建瑋 歌曲:陳建瑋 台羅拼音:關德樂

鬧熱的 忠孝東路口
lāu-jia̍t ê tiong-hàu tang-lōo kháu

無閒的 台北火車頭
bô-îng ê Tâi-pak hué-tshia thâu

看袂著 輕鬆的笑容
khuànn-buē-tio̍h khin-sang ê tshiò-iông

攏全人 台北攏全人
lóng tsuân lâng Tâi-pak lóng tsuân lâng

我的心內彼個繁華的所在
guá ê sim-lāi hit-ê huân-huâ ê sóo-tsāi

哪會每一個人像無熟似
ná ē muí tsi̍t ê lâng tshiūnn bô si̍k-sāi

吵吵鬧鬧規工捙跋反
tshá-tshá-nāu-nāu kui kang tshia-pua̍h-píng

這個所在毋是當初彼個所在
tsit-ê sóo-tsāi m̄ sī tong-tshoo hit-ê sóo-tsāi

若唱著向前行 就想起故鄉啊
ná tshiùnn-tio̍h hiòng-tsiân kiânn tio̍h siūnn-khí kòo-hiong ah

毋知當時才會出頭天 因為台北攏全人
m̄ tsai tong-sî tsiah ē tshut-thâu-thinn in-uī Tâi-pak lóng tsuân lâng

 

有聽人咧講 中國有偌大
ū thiann lâng teh kóng tiong-kok ū juā-tuā

少年人 會定定心驚惶
siàu-liân-lâng ē tiānn-tiānn sim-kiann hiânn

離開故鄉 來台北拍拼
lī-khui kòo-hiong lâi Tâi-pak phah-piànn

離開台北 流浪到北京
lī-khui Tâi-pak liû-lōng kàu Pak-kiann

 

我的心內彼個繁華的所在
guá ê sim-lāi hit-ê huân-huâ ê sóo-tsāi

哪會每一個人像無熟似
ná ē muí tsi̍t ê lâng tshiūnn bô si̍k-sāi

吵吵鬧鬧規工捙跋反
tshá-tshá-nāu-nāu kui kang tshia-pua̍h-píng

這個所在毋是當初彼個所在
tsit-ê sóo-tsāi m̄ sī tong-tshoo hit-ê sóo-tsāi

無人欲留落來 逐家攏飛向西
bô-lâng bē lâu-lo̍h-lâi ta̍k-ke lóng pue hiòng sai

總有一工我會出頭天 因為台北攏無人
tsóng-ū tsi̍t king guá ē tshut-thâu-thinn in-uī Tâi-pak lóng bô-lâng

總有一工我會出頭天 因為台北攏無人
tsóng-ū tsi̍t king guá ē tshut-thâu-thinn in-uī Tâi-pak lóng bô-lâng

攏無人 攏無人 我上敖
lóng bô-lâng lóng bô-lâng guá siōng gau

攏無人 攏無人 我上敖
lóng bô-lâng lóng bô-lâng guá siōng gau

攏無人 攏無人 我上敖
lóng bô-lâng lóng bô-lâng guá siōng gau

攏無人
lóng bô-lâng

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s