作曲:謝銘祐 作曲:謝銘祐 台羅拼音:關德樂
起風 即爾仔無張持
khí-hong tsiah ní á bô tiunn-tî
月娘妳哪會無注意
ge̍h-niû lí ná ē bô tsù-ì
目屎佇暗夜 滴落來 破碎兮街路
ba̍k-sái tī àm-iā tih lo̍h-lâi phuà-tshuì ê ke-lōo
起風 無眠兮夜港都
khí-hong bô-bîn ê àm káng-too
毋甘你受驚惶 目尾直直掣
m̄-kam lí siū kiann-hiânn ba̍k-bué ti̍t-ti̍t tshuah
燒熱兮天哪會來起畏寒
sio-jua̍h ê thinn ná ē lâi khí uì-kuânn
牽過兮彼雙手 熟悉兮身影 哪會無依無倚
khan-kuè ê hit siang-tshiú si̍k-si ê sin-iánn ná ē bô-i-bô-uá
毋甘你喊無伴 一聲過一聲
m̄-kam lí huah bô-phuānn tsi̍t siann kuè tsi̍t siann
你兮心內會痛怹攏知影
lí ê sim-lāi ē thiànn in lóng tsai-iánn
莫閣哭 莫閣驚 莫閣予離開兮人 毋甘
mài koh khàu mài koh kiann mài koh hōo lī-khui ê lâng m̄-kam
風總有停兮時 天會光
hong tsóng ū thîng ê sî thinn ē kng
目屎若流袂焦 流吧!
ba̍k-sái ná lâu buē ta lâu pa!
毋甘你受驚惶 目尾直直掣
m̄-kam lí siū kiann-hiânn ba̍k-bué ti̍t-ti̍t tshuah
燒熱兮天哪會來起畏寒
sio-jua̍h ê thinn ná ē lâi khí uì-kuânn
牽過兮彼雙手 熟悉兮身影 哪會無依無倚
khan-kuè ê hit siang-tshiú si̍k-si ê sin-iánn ná ē bô-i-bô-uá
毋甘你喊無伴 一聲過一聲
m̄-kam lí huah bô-phuānn tsi̍t siann kuè tsi̍t siann
你兮心內會痛怹攏知影
lí ê sim-lāi ē thiànn in lóng tsai-iánn
莫閣哭 莫閣驚 莫閣予離開兮人 毋甘
mài koh khàu mài koh kiann mài koh hōo lī-khui ê lâng m̄-kam
我毋甘 毋甘
guá m̄-kam m̄-kam
風總有停兮時 天會光
hong tsóng ū thîng ê sî thinn ē kng