07 – 破夜斬 (Supreme Pain for the Tyrant)

作詞:閃靈   作曲:閃靈  台語拼音:關德樂

烏雲罩月 茫茫的暗暝
oo-hûn tà gue̍h  bâng bâng mê àm

困佇這咧無聲無說的世界
khùn tī tsit leh bô-siann bô suè ê sè-kài

泅袂出這片翕死人的死海
siû bē tshut tsit pîng hip sí lâng ê sí hái

敢是五感失常資信全無接受
kám sī ngóo kám sit-siông tsu sìn tsuân bû tsiap-siū

也是心肺失能空氣攏無吸收
iā sī sim hì sit lîng khong-khì lóng bô khip-siu

等無彼咧人
tán bô hit leh lâng

等無一聲霆雷響
tán bô tsi̍t siann tân-luî hiáng

等無彼咧人
tán bô hit leh lâng

等無一改暢心情
tán bô tsi̍t kái thiòng sim-tsiânn

若連聲音攏毋准發
ná liân siann-im tio̍h m̄-tsún huat

咱用銃聲來揣正義
lán iōng tshìng siann lâi tshuē tsìng-gī

若連蠟燭攏毋准點
ná liân la̍h-tsik tio̍h m̄-tsún huat

咱點炸彈來揣光明
lán tiám tsà-tuânn lâi tshuē kong-bîng

清算血債 清算仇冤
tshing-sǹg hiat-tsè  tshing-sǹg siû uan

清算血債 清算仇冤
tshing-sǹg hiat-tsè  tshing-sǹg siû uan

烏雲罩月 茫茫的暗暝
oo-hûn tà gue̍h  bâng bâng mê àm

櫼佇這咧袂振袂動的世界
tsinn tī tsit leh bē tín bē tāng ê sè-kài

泅袂出這片翕死人的死海
siû bē tshut tsit pîng hip sí lâng ê sí hái

敢是頭眩腦頓啥麼攏要吞忍
kám sī thâu-hîn náu tùn siánn mí lóng ài thun-lún

也是血路袂順跤手攏毋敢伸
iā-sī hueh-lōo bē sūn kha-tshiú lóng kám tshun

等無彼咧人
tán bô hit leh lâng

等無一聲霆雷響
tán bô tsi̍t siann tân-luî hiáng

等無彼咧人
tán bô hit leh lâng

等無一氣挵崩盤
tán bô tsi̍t khuì lòng pang puânn

若連聲音攏毋准發
ná liân siann-im tio̍h m̄-tsún huat

咱用銃聲來揣正義
lán iōng tshìng siann lâi tshuē tsìng-gī

若連蠟燭攏毋准點
ná liân la̍h-tsik tio̍h m̄-tsún huat

咱點炸彈來揣光明
lán tiám tsà-tuânn lâi tshuē kong-bîng

清算血債 清算仇冤
tshing-sǹg hiat-tsè  tshing-sǹg siû uan

清算血債 清算仇冤
tshing-sǹg hiat-tsè  tshing-sǹg siû uan

Let me stand up like a Taiwanese
Only justice will bring you peace

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s