10 – 石垣好朋友 (Re:Hellow)

作詞:楊大正   作曲:楊大正  台語拼音:關德樂

再會啦我的朋友                                 佇分開的這个下晡
tsài-huē lah guá ê pîng-iú              tī hun-khui tsit-ê ē-poo

你我攏忍不住目箍紅                                        心內誠實寂寞
lí guá lóng jím-put-tsū ba̍k-khoo âng        sim-lāi tsiânn-si̍t siok-bo̍k

踮遮短短的生活中                               受著恁的照顧
liam jia té té sing-ua̍h tiong            siū-tio̍h lín ê tsiàu-kòo

這段情我會一直囥佇心中
tsit tuānn tsîng guá ē it-ti̍t khǹg tī sim-tiong

飛行機猶未離開                              已經開始思念恁
pue-lîng-ki iáu-bē lī-khui            í-king khai-sí su-liām lín

飛行機頂頭的廣播                                    講台北咧落雨
pue-lîng-ki tíng-thâu ê kóng-pòo        kóng tâi-pak leh lo̍h hōo

踮遮短短的生活中                               受著恁的照顧
liam jia té té sing-ua̍h tiong            siū-tio̍h lín ê tsiàu-kòo

互相祝福                                  期待再相逢
hōo-siong tsiok-hō                kî-thāi tsài siong-hông

啊~ 又閣來到人生的雙叉路
ah~ iū-koh lâi kàu lîn-sing ê siang-tshe lōo

面對分開總是會寂寞
bīn-tuì hun-khui tsóng-sī ē siok-bo̍k

人海茫茫來來去去                                  請毋通傷悲
lîn-hái bâng bâng lâi lâi khì khì        tshiánn m̄-thang siong pi

有一工 我一定會閣轉去
ū tsi̍t kang  guá it-tīng ē koh tńg-khì

我會寫一條歌                   後一擺唱予恁聽
guá ē siá tsi̍t tiâu kua    āu tsi̍t pái tshiùnn hōo lín thiann

相逢的時陣                      恁會看見                     閣較好的我
siong-hông ê sî-tsūn    lín ē khuànn-kìnn    koh-khah hó ê guá

這條歌                  是屬佇咱的歌
tse tiâu kua        sī sio̍k tī lán ê kua

屬佇彼一年              你我做陣                行過的性命
sio̍k tī hit tsi̍t nî    lí guá tsuè tīn        kiânn-kuè ê sìnn-miā

我有寫一條歌                    我這馬唱予恁聽
guá ū siá tsi̍t tiâu kua    guá tsit-má tshiùnn hōo lín thiann

熟似的海岸                     思念的人                  我已經轉來到遮
si̍k-sāi ê hái-huānn     su-liām ê lâng        guá í-king tńg-lâi kàu jia

這條歌                   是屬佇咱的歌
tsi̍t tiâu kua        sī sio̍k tī lán ê kua

屬佇彼一年             你我做陣                  行過的性命
sio̍k tī hit tsi̍t nî    lí guá tsuè tīn        kiânn-kuè ê sìnn-miā

這是我寫的歌                我這馬唱予恁聽
tsit sī guá siá ê kua    guá tsit-má tshiùnn hōo lín thiann

熟似的海岸                     思念的人                  我已經轉來到遮
si̍k-sāi ê hái-huānn     su-liām ê lâng        guá í-king tńg-lâi kàu jia

這條歌                  是屬佇咱的歌
tsi̍t tiâu kua        sī sio̍k tī lán ê kua

屬佇彼一年             你我做陣                  行過的性命
sio̍k tī hit tsi̍t nî    lí guá tsuè tīn        kiânn-kuè ê sìnn-miā

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s