勇敢

作詞:阿信 作曲: 五月天  台語拼音:關德樂

敢講這是失去希望的時代
kám kóng tse sī sit-khì hi-bāng ê sî-tāi

敢講這是失去期待的所在
kám kóng tse sī sit-khì kî-thāi ê sóo-tsāi

敢講咱一世人只有忍耐                                  只有憤慨 只有無奈
kám kóng lán tsi̍t-sì-lâng tsí-ū lím-nāi    tsí-ū hùn-khài tsí-ū bô nāi

只有目屎無人知                             吞落腹肚內
tsí-ū ba̍k-sái bô-lâng tsai            thun lo̍h pak-tóo lāi

看到心願慢慢變成不甘願
khuànn-tio̍h sim-guān bān bān piàn-sîng m̄ kam-guān

才知期待未當靜靜的等待
tsiah tsai kî-thāi bē tǹg tiām tiām ê tán-thāi

不管咱是天才抑是奴才                                     只有拼著 所有氣力
m̄ kuán lán sī thinn tsiah ia̍h sī lôo-tsâi    tsí-ū piànn tio̍h sóo-iú khì-li̍k

挑戰無情的世間                                     一天一冬 一世人到永遠
thiáu-tsiàn bô-tsîng ê sè-kan            tsi̍t-ji̍t tsi̍t tang tsi̍t-sì-lâng kàu íng-uán

一遍擱一遍
tsi̍t pái koh tsi̍t pái

不知影               誰在安排                  命運好歹                       一人攏一款
m̄ tsai-iánn     siáng tī an-pâi        miā-ūn hó-pháinn     tsi̍t lâng lóng tsi̍t khuánn

有時陣         想欲放棄                        想欲怨嘆                          想欲流目屎
ū-sî tsūn     siūnn-beh hòng-khì    siūnn-beh uàn-thàn     siūnn-beh lâu ba̍k-sái

等一天                黑暗過去                  苦盡甘來                     人生滋味才了解
tán tsi̍t kang    oo-àm kuè-khì        khóo tsīn kam lâi    lîn-sing tsu-bī tsiah liáu-kái

為著彼個將來                            要自己 勇敢再勇敢
uī-tio̍h hit ê tsiong-lâi            ài tsū-kí ióng-kám tsài ióng-kám

若有一天若我消失在世間
nā-ū tsi̍t kang ná guá siau-sit tsāi sè-kan

若有我的故事給誰人熟識
nā-ū guá ê kòo-sū hōo siánn-lâng si̍k-sāi

不管阮是成功抑是失敗                                 我的名字 號做勇敢
m̄ kuán gún sī sîng-kong ia̍h-sī sit-pāi    guá ê miâ miâ-lī hō-tsuè ióng-kám

唱作美麗的歌曲                                       一字一句 一世人到永遠
tshiùnn tsuè bí-lē ê kua-khik             tsi̍t jī tsi̍t kù tsi̍t-sì-lâng kàu íng-uán

一遍擱一遍
tsi̍t pái koh tsi̍t pái

不知影              誰在安排                   命運好歹                       一人攏一款
m̄ tsai-iánn     siáng tī an-pâi        miā-ūn hó-pháinn     tsi̍t lâng lóng tsi̍t khuánn

有時陣         想欲放棄                        想欲怨嘆                          想欲流目屎
ū-sî tsūn     siūnn-beh hòng-khì    siūnn-beh uàn-thàn     siūnn-beh lâu ba̍k-sái

等一天               黑暗過去                   苦盡甘來                    人生滋味才了解
tán tsi̍t kang    oo-àm kuè-khì        khóo tsīn kam lâi    lîn-sing tsu-bī tsiah liáu-kái

為著彼個將來                            要自己 勇敢再勇敢
uī-tio̍h hit ê tsiong-lâi            ài tsū-kí ióng-kám tsài ióng-kám

風無情                      雨無情                  命運也無情
hong bô-tsîng        hōo bô-tsîng        miā-ūn iā bô-tsîng

若有膽             若有心             風雨算什麼
nā-ū tám        nā-ū sim        hong hōo sǹg siánn-mih

飄浪一生                     就要攀過                  最高的海浪
phiau lōng it-sing    tio̍h ài phan kuè    siōng kuân ê hái-íng

不知影               誰在安排                 命運好歹                        一人攏一款
m̄ tsai-iánn     siáng tī an-pâi        miā-ūn hó-pháinn     tsi̍t lâng lóng tsi̍t khuánn

有時陣          想欲放棄                        想欲怨嘆                         想欲流目屎
ū-sî tsūn     siūnn-beh hòng-khì    siūnn-beh uàn-thàn     siūnn-beh lâu ba̍k-sái

等一天 黑暗過去                                 苦盡甘來                     人生滋味才了解
tán tsi̍t kang    oo-àm kuè-khì        khóo tsīn kam lâi    lîn-sing tsu-bī tsiah liáu-kái

為著彼個將來                            要自己 勇敢再勇敢
uī-tio̍h hit ê tsiong-lâi            ài tsū-kí ióng-kám tsài ióng-kám

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s