02 – 倒退嚕

作詞:黃克林    作曲:董事長樂團  & 黃克林  台語拼音:關德樂

嘿⋯拜請拜請啦
heh…pài tshiánn pài tshiánn lah

拜請東海岸西海岸 北的投喔紗帽山
pài tshiánn tang-hái-huānn se-hái-huānn  pak ê tâu ooh se-bō-suann

鶯歌咧出塗炭咧 草山佇咧出溫泉
ing-kua leh tshut thôo-thuànn leh   tsháu-suann tī leh un-tsuânn

 

拜請哩
pài tshiánn lih

東營兵閣咧東營將
tang iânn ping koh leh ping iânn tsiòng

西營兵閣咧西營將
se iânn ping koh leh se iânn tsiòng

北營中營兵中將
pak iânn tiong iânn ping tiong tsiòng

起雄兵這个九千九百九萬千
khí-hiông ping tsit-ê káu tshian káu pah káu bān tshian

滴滴工 閣咧存無靈
tih tih kang koh leh tsûn bô lîng

 

神的兵的喔 神兵啊過過過路靈啊 過過過路靈
sîn ê ping ê ooh sîn-ping ah kè kè kè lōo lîng ah kè kè kè lōo lîng

鳳梨西瓜爿 欠錢無愛還
ông-lâi si-kue pîng khiàm-tsînn bô ài hîng

尖喙是雞喔 扁喙是番鴨 曲曲的是豬肉啦 四角是豆干
tsiam tshuì sī ke ooh pínn tshuì sī huan-ah khiau khiau sī ti-bah là sì-kak sī tāu-kuann

白白是麵線
pe̍h-pe̍h sī mī-suànn

 

拜請拜請咧 大身的王爺公啊 細身的王爺囝
pài tshiánn pài tshiánn leh tuā-sian ê ông-iâ kong ah suè sian ông-iâ kiánn

我是假影請 你若來我就加了餅咦
guá sī ké iánn tshiánn lí ná lâi guá tō ke liáu piánn eh

天頂天公 地下母舅公啊 北海岸 十八王啊公啊 (啊唔啊唔!)
thinn-tíng thinn-kong tē-hē bú-kū-kong ah pak-hái-huānn tsa̍p-peh-ông-ah-kong (ah-onn ah-onn)

 

拜請拜請咧!拜請拜請
pài tshiánn pài tshiánn leh! pài tshiánn pài tshiánn

阮後生啊 愛著阿琴仔怹彼𠆤查某囝
gún hāu-senn ah   ài tio̍h ah khîm á hit-ê tsa-bóo kiánn

毋知有影抑無影 有影就喊三聲喔
m̄ tsai ū-iánn ia̍h bô-iánn  ū-iánn tō hiàm sann siann ooh

(無影!無影!無影!)
(bô-iánn! bô-iánn! bô-iánn!)

紅的千的喔!紅千啊四果排甲歸桌頂
âng ê tshian ê ooh!  âng tshian ah sù-kó pâi kah kui toh tíng

紅柿林菝仔佮龍眼 欲食就家己揀
âng khī nâ pa̍t á ha̍h lîng-gíng  beh tsia̍h tō ka-kī kíng

三碗兩碗做你排喔
sann uánn nn̄g uánn tsuè lí pâi ooh

閹雞古啊遛來刣啊 無錢的我無愛喔
iam-kue kóo ah liù lâi thâi ah  bô tshînn ê guá bô ài ooh

紅包大个做你來拿 會來喔~~~
âng-pau tuā ê tsuè lí lâi ná  ē lâi ooh~~~

 

阿公啊對啊阮有啊有交代 叫阮咧麻雀子仔毋通黑白排
a-kong ah tuì a gún ū ah ū kau-tài  kiò gún leh mah tshiok lí m̄-thang oo-pe̍h pâi

碰啊你咧碰啊 到啊我咧到 槓頂咧開花是加啊一台喔~
pōng a lí teh pōng ah  kàu ah guá teh kàu  kǹg tíng leh khui-hue sī ke ah tsi̍t tâi ooh~

 

牛頭馬面啊二啊將啊軍喔 猶有日夜啊雙遊巡
gû-thâu bé-bīn ah lī ah tsiòng ah kun ooh  iáu-ū li̍t-iā ah siang iû sûn

燒酒排你咧銀啊紙獻 阿公啊對人是著啊凊彩
sio-tsiú pâi lí leh gûn ah tsuá hiàn  ah kong ah tuì lâng sī tio̍h ah tshìn-tshái

行你就行 你就予伊過橋
kiânn lí tio̍h kiânn lí tio̍h hōo i kè-kiô

草埔嘛跑馬嘛草啊青青啊
tsháu-poo mah pháu-bé mah tsháu ah tshinn tshinn ah

 

草埔嘛路啊上啊草啊掛墘喔
tsháu-poo mah lōo ah siōng ah tsháu ah kuà kînn ooh

友孝的新婦是三頓燒 不孝的新婦是過路搖啊過路搖啊
iú hàu ê sin-pū sī sann tǹg sio  put hàu ê sin-pū sī kè-lōo iô ah kè-lōo iô ah

搖你著搖過橋 喔
iô lí tio̍h iô kè-kiô  ooh~

 

獻紙來你嘛燒錢去啊 獻紙啊燒錢 是欲買路去喔
hiàn tsuá lâi lí mah sio tsînn khì ah  hiàn tsuá ah sio tsînn  sī beh bé lōo khì ooh

獻紙來你嘛燒錢去啊 獻紙啊燒錢 是欲買路去啊
hiàn tsuá lâi lí mah sio tsînn khì ah  hiàn tsuá ah sio tsînn  sī beh bé lōo khì ah

行你著行啊……行到觀音佛祖廟 喔~~~~
kiânn lí tio̍h kiânn ah…… kiânn kàu kuan-im pu̍t-tsóo biō ooh~~~~

(拜拜喔 來拜觀音菩薩喔!)
(pài tshiánn ooh  lâi pài kuan-im phôo-sat ooh!)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s