09 – 快樂的等待

作詞:伍佰   作曲:伍佰  台語拼音:關德樂

一小時 妳應該還在甩香水點胭脂
tsi̍t sió-sî lí ing-kai iáu-leh hiù phang-tsuí tiám ian-tsi

二小時 妳說妳出門進前要喝咖啡
nn̄g sió-sî lí kóng lí tshut-mn̂g tsìn-tsîng ài lim ka-pi

三小時 路裡在塞車真是足委屈妳
sann sió-sî lōo-lí tī that-tshia tsin sī tsiok uí-khut lí

四小時 一定是手機沒電抹凍開機
sì sió-sî it-tīng sī tshiú-ki bô tiān bē tàng khui-ki

我 尚甲意咧等妳 等著妳心情歡喜
guá siūnn kah ì leh tán lí tán tio̍h lí  sim-tsîng huann-hí

連我吸的氣攏甜甜
liân guá suh ê khuì lóng tinn tinn

五小時 妳今晚頭毛sedo一定真美
gōo sió-sî lí îng-àm thâu-mn̂g sedo it-tīng tsin suí

六小時 我嘛來點著一杯無糖咖啡
lio̍k sió-sî guá mah lâi tiám-to̍h tsi̍t pue bô thn̂g ka-pi

七小時 妳塞車生氣的嘴撇嘛真古椎
tshit sió-sî lí that-tshia siū-khì ê tshuì sué mah tsin kóo tsui

八小時 我想要替妳準備新的電池
peh sió-sî guá siūnn beh thè lí tsún-pī sin ê tiān-tî

我 尚甲意咧等妳 等著妳心情歡喜
guá siūnn kah ì leh tán lí tán tio̍h lí sim-tsîng huann-hí

連我做的夢攏甜甜
liân guá tsò ê bāng lóng tinn tinn

我攏在這 沒吹冷氣嘛未太熱
guá lóng tī tsia bô tshue líng-khì mah bē siunn jua̍h

 

一直在這 沒穿外衫嘛未畏寒
it-ti̍t tī tsia bô tshīng guā-sann mah bē uì-kuânn

等妳來這 不是約好要看電影
tán lí lâi tsia m̄ sī iok hó beh khuànn tiān-iánn

甘說是我 日子記登誕
kam kóng sī guá ji̍t-tsí kì ting tàn

我攏在這 愛妳的心火攏未發
guá lóng tī tsia ài lí ê sim-hué lóng bē huat

一直在這 有妳通想我就快活
it-ti̍t tī tsia ū lí thàng siūnn guá tō khuìnn-ua̍h

等妳來這 人攏走了只有剩我
tán lí lâi tsia lâng lóng tsáu liáu tsí ū tshun guá

甘說是我 日子記登誕
kam kóng sī guá ji̍t-tsí kì ting tàn

九小時 妳甘會久不來走不對間去
káu sió-sî lí kam ē kú bô lâi kiânn m̄-tio̍h king khì

十小時 妳大概當咧問人這是佗位
tsa̍p sió-sî lí tāi-khài tǹg leh mn̄g lâng tsia sī tó-uī

十一小時 透中午等到今嘛已經半暝
tsa̍p-it sió-sî thàu tiong-tàu tán-kàu jin mah í-king puànn-mê

十二小時 我等這久嘛未來鬱卒空虛
tsa̍p-jī sió-sî guá tán tsia-kú mah bē lâi ut-tsut khang-hi

我 尚甲意咧等妳 等著妳心情歡喜
guá siūnn kah ì leh tán lí tán tio̍h lí sim-tsîng huann-hí

連我酸的心攏甜甜
liân guá sng ê sim lóng tinn tinn

我攏在這 沒吹冷氣嘛未太熱
guá lóng tī tsia bô tshue líng-khì mah bē siunn jua̍h

 

一直在這 沒穿外衫嘛未畏寒
it-ti̍t tī tsia bô tshīng guā-sann mah bē uì-kuânn

等妳來這 不是約好要看電影
tán lí lâi tsia m̄ sī iok hó beh khuànn tiān-iánn

甘說是我 日子記登誕
kam kóng sī guá ji̍t-tsí kì ting tàn

我攏在這 愛妳的心火攏未發
guá lóng tī tsia ài lí ê sim-hué lóng bē huat

 

一直在這 有妳通想我就快活
it-ti̍t tī tsia ū lí thàng siūnn guá tō khuìnn-ua̍h

等妳來這 人攏走了只有剩我
tán lí lâi tsia lâng lóng tsáu liáu tsí ū tshun guá

甘說是我 日子記登誕
kam kóng sī guá ji̍t-tsí kì ting tàn

開門的聲 聲聲攏是美麗的歌
khui-mn̂g ê siann  siann siann lóng sī bí-lē ê kua

關門的聲 離我心愛愈來愈偎
kuinn-mn̂g ê siann lī guá sim-ài lú lâi lú uá

時鐘的聲 十二點鐘快樂的折磨
sî-tsing ê siann tsa̍p-jī tiám-tsing khuài-lo̍k ê tshik-buâ

甘說是妳 完全不知影
kam kóng sī lí uân-tsuân m̄ tsai-iánn

走路的聲 聲聲攏是美麗的歌
kiânn-lōo ê siann  siann siann lóng sī bí-lē ê kua

停車的聲 離我心愛愈來愈偎
thîng tshia ê siann lī guá sim-ài lú lâi lú uá

時鐘的聲 十二點鐘快樂的折磨
sî-tsing ê siann tsa̍p-jī tiám-tsing khuài-lo̍k ê tshik-buâ

甘說是妳 不知我的名
kam kóng sī sī lí m̄ tsai guá ê miâ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s