11 – 海上的人


作詞:楊大正   作曲:楊大正 編曲滅火器  台語拼音:關德樂

越頭看彼段青春的路程 你想起離開的時陣
ua̍t-thâu khuànn hit tuānn tshing-tshun ê lōo-tîng lí siūnn-khí lī-khui ê sî-tsūn

戇戇坐上彼班暝車 開始走傱的人生
gōng-gōng tsē siōng hit pan mî-tshia khai-sí tsáu-tsông ê lîn-sing

渾沌的青春 閣有你軟汫的個性
hûn tūn ê tshing-tshun koh ū lí nńg-tsiánn ê kò-sìng

點起手頭閣一支薰 目屎流袂停
tiám-khí tshiú-thâu koh tsi̍t ki hun  ba̍k-sái lâu buē thîng

你講人生啊人生 像漂浪海上的船
lí kóng lîn-sing ah lîn-sing tshiūnn phiau lōng hái siōng ê tsûn

有時風吹起陣陣風湧 運命總是無定著
ū-sî hong tshue-khí tsūn tsūn hong-íng ūn-miā tsóng-sī bô-tiānn tio̍h

攑頭看遙遠天頂 笑看這浮沉風景
gia̍h-thâu khuànn iâu-uán thinn-tíng tshiò khuànn tse phû-tîm hong-kíng

就算愛等待一生 嘛愛活著無怨恨
tio̍h-sǹg ài tán-thāi it-sing mah ài ua̍h tio̍h bô uàn-hūn

海風吹著你的歌聲 吹著你的頭鬃
hái hong tshue tio̍h lí ê kua-siann tshue tio̍h lí ê thâu-tsang

就算眼前路愛面對長長孤單 心有淡薄仔忝
tio̍h-sǹg gán-tsîng lōo ài bīn-tuì tn̂g tn̂g koo-tuann sim ū tām-po̍h á thiám

海風吹著你的背影 吹著你的願望
hái hong tshue tio̍h lí ê puē-iánn tshue tio̍h lí ê guān-bāng

你講你相信總會有彼一工 會實現 當初的咒誓
lí kóng lí siong-sìn tsóng-ē ū hit tsi̍t kang ē si̍t-hiān tong-shoo ê tsiù-tsuā

毋免驚 咱寬寬仔行
m̄-bián kiann lán khuann khuann á kiânn

攑頭看遙遠天頂 笑看這浮沉風景
gia̍h-thâu khuànn iâu-uán thinn-tíng tshiò khuànn tse phû-tîm hong-kíng

就算欲等待一生 嘛愛活著無怨恨
tio̍h-sǹg ài tán-thāi it-sing mah ài ua̍h tio̍h bô uàn-hūn

海風吹著你的歌聲 吹著你的頭鬃
hái hong tshue tio̍h lí ê kua-siann tshue tio̍h lí ê thâu-tsang

就算眼前路愛面對長長孤單 心有淡薄仔忝
tio̍h-sǹg gán-tsîng lōo ài bīn-tuì tn̂g tn̂g koo-tuann sim ū tām-po̍h á thiám

海風吹著你的背影 吹著你的願望
hái hong tshue tio̍h lí ê puē-iánn tshue tio̍h lí ê guān-bāng

我講我相信總會有彼一工 會實現 你的咒誓
guá kóng guá siong-sìn tsóng-ē ū hit tsi̍t kang ē si̍t-hiān lí ê tsiù-tsuā

毋免驚 咱寬寬仔行
m̄-bián kiann lán khuann khuann á kiânn

Advertisements

One thought on “11 – 海上的人

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s