02 – 老城門


作詞:謝銘祐   作曲:謝銘祐   台語拼音: 關德樂

到底幾百年 若感覺目一下睨 東南西北門 阮的名字
tàu-té kuí pah liân ná kám-kak ba̍k tsi̍t-ē gîn gio̍h tang-lâm-sai-pak mn̂g gún ê miâ-jī

鬧熱的鑼鼓聲 嘛響起流行歌 踅佇阮拄才補好的厝瓦
lāu-jia̍t ê lô-kóo siann mah hiáng khí liû-hîng kua se̍h tī gún tú-tsiah póo hònn ê tshù-hiā

運河慢慢流 流過春夏秋冬的岸 阮坐佇這顧城
ūn-hô bān bān lâu lâu kuè tshun-hā tshiu-tang ê gún tsē tī tsia kòo siânn

迎新又去舊 是好歹也過一年 舉頭還是十六的月較圓
ngiâ-sin iū khì kóo sī hó-pháinn mā kuè tsi̍t nî gia̍h-thâu iáu sī tsa̍p la̍k ê  ge̍h khah înn

出入攏平安 是美醜好額散 二扇門 拍開的未來 真遠
tshut-ji̍p lóng pîng-an sī bái hó gia̍h sán nn̄g sìnn-mn̂g phah khui ê bī-lâi tsin hn̄g

禿額的石敢當 有肉臊香的風 黃昏的無尾巷 惦惦無聲
thuh-hia̍h ê tsio̍h-kám-tong ū bah tsho phang ê hong hông-hun ê bô-bué-hāng tiām tiām bô-siann

城市換新衫 大樓擠走稻埕 出外的人最驚拍無見心肝
siânn-tshī uānn-sin sam tuā-lâu kheh tsáu tiū-tiânn tshut-guā ê lâng siōng kiann phah bô kìnn sim-kuann

褪色的門板 總有人又來漆紅紅 阮猶佇這顧城
thè-sik ê mn̂g pán tsóng ū lâng iū lâi tshat âng âng gún iáu tī tsia kòo siânn

點啊點叮噹 天公伯仔慢慢啊點 要走要留半點不由人
tiám ah tiám ting tang thinn-kong peh á bān bān ah tiám beh tsáu beh lâu puànn-tiám put-iû lâng

日頭落又起 是時間的掌中戲 二扇門 再會又團圓 創治
ji̍t thâu la̍uh iū khí sī sî-kan ê tsiáng-tiong-hì nn̄g sìnn-mn̂g tsài-huē iū thuân-înn tshòng-tī

媽祖保庇哦 觀音媽保庇哦
má-tsóo pó-pì hioh kuan-im má pó-pì hioh

土地公保庇哦 天上眾神保庇哦
thóo-tē-kong pó-pì hioh thian-siōng tsiòng-sîn pó-pì hioh

砲仔響上天 向望來年又豐年 歡喜就去愛 愛不著嘛歡喜
phàu á hiáng tsiūnn-thinn ǹg-bāng lâi nî iū hong-nî huann-hí tō khì ài ài buē to̍h mah huann-hí

門關門又開 等五更雞就啼 二扇門 一年又一年 日子
mn̂g kuinn mn̂g iū khui tán gōo-kinn ke tsiū thî nn̄g sìnn-mn̂g tsi̍t nî iū tsi̍t nî ji̍t-tsí

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s