07 – 仝款的月娘

作詞:伍佰   作曲:伍佰  台語拼音:關德樂

毋知妳佇遐遠的所在好無
m̄ tsai lí tī hiâ hn̄g ê sóo tsāi hó-bô

敢有好好仔食飯                                   敢有逐工較早睏
kám ū hó hó á tsia̍h pn̄g                  kám ū ta̍k-kang khah-tsá khùn

敢有心情鬱卒抑是寂寞的
kám ū sim-tsîng ut-tsut ia̍h sī siok-bo̍k ê

敢有出去曝日頭                                   曷是吹吹仔風
kám ū tshut-khì pha̍k-ji̍t-thâu        a̍h sī tshue tshue á hong

敢有親情朋友不時去相揣
kám ū tshin-tsiânn pîng-iú put-sî khì sio-tshuē

敢有逐工講寡話                                    敢有揣代誌來做
kám ū ta̍k-kang kóng kuá uē           kám ū tshuē tāi tsì lâi tsuè

我佇這咧所在一切攏好勢
guá tī tsit leh sóo-tsāi it-tshè lóng hó-sè

妳嘛毋免掛心                                        嘛著照顧身體
lí mah m̄ bián kuà sim                      mah tio̍h tsiàu-kòo sin-thé

是不是想我的暗時                                四爿攏恬靜靜
sī m̄ sī siūnn guá ê àm-sî                  sì-pîng lóng tiām tsīng tsīng

我想妳和我親像                                             咱來拍開窗
guá siūnn lí hām guá tshin tshiūnn        lán lâi phah khui thang

咱來看到仝款的月娘
lán lâi khuànn-tio̍h kâng-khuán ê gue̍h-niû

妳若出去行路就行較慢咧
lí ná tshut-khì kiânn-lōo khah bān leh

路裏不時足濟車                                  塗跤不是平坦坦
lōo lí put sî tsiok tsè tshia               thôo-kha m̄ sī pênn-thánn-thánn

天氣寒的時陣就穿較燒咧
thinn-khì kuânn ê sî-tsūn tō tshīng khah sio leh

咱遐風透地閣闊                                  感到就閣去注射
lán hiâ hong thàu tē koh khuah    kám tio̍h tō koh-khì tsù-siā

心情就愛放予伊鬆鬆仔的
sim-tsîng tō ài pàng hōo i sam-sam á ê

頭殼毋免想遐濟                                  想到就愛敲電話
thâu-khak m̄-bián siūnn hiâ tsè    siūnn tio̍h tō ài khà tiān-uē

我佇這咧所在一切攏好勢
guá tī tsit leh sóo-tsāi it-tshè lóng hó-sè

妳嘛毋免掛心                                     上重要妳身體
lí mah m̄ bián kuà sim                   mah tio̍h tsiàu-kòo sin-thé

是不是想我的暗時                             四爿攏恬靜靜
sī m̄ sī siūnn guá ê àm-sî               sì-pîng lóng tiām tsīng tsīng

我想妳和我親像                                             咱來拍開窗
guá siūnn lí hām guá tshin tshiūnn        lán lâi phah khui thang

咱來看到仝款的月娘
lán lâi khuànn-tio̍h kâng-khuán ê gue̍h-niû

愛知影想我的時陣                             妳毋是一个人
ài tsai-iánn siūnn guá ê sî-tsūn     lí m̄ sī tsi̍t ê lâng

我佇遮和妳相像
guá tī jia hām lí sio-siāng

咱來拍開窗                                咱來看到仝款的月娘
lán lâi phah khui thang         lán lâi khuànn-tio̍h kâng-khuán ê gue̍h-niû

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s