11 – 清風吹目墘

作詞:伍佰   作曲:伍佰  台語拼音:關德樂

清風吹焦淚面墘                                            落葉猶有葉香味
tshing-hong tshue ta luī biān kînn        lo̍h hio̍h iáu-ū hio̍h phang-bī

返厝的渡鳥啾啾啼                                                 揣來揣去揣無伊
tńg tshù ê tōo tsiáu tshiùnn tshiùnn thî         tsué lâi tsué khì tsué bô i

人生總有離別時                                             應該快樂等團圓
lîn-sing tsáng ū lī bián sî                           ing-kai khuài-lo̍k tán thuân-înn

將你 佇我 心底 藏起                                      徐徐的清風吹目墘
tsiong lí  tī guá sim té tshàng khí             tsi tsi-á tshing-hong tshue ba̍k kînn

上媠散步黄昏時                                              花謝嘛有花香味
siōng suí sàn-pōo hông-hun sî                   hue siā mah ū hue phang-bī

返厝的蜜蜂無張持                                          踅來踅去揣無伊
tńg tshù ê bi̍t-phang bô-tiunn-tî                se̍h lâi se̍h khì tsué bô i

人生總有離別時                                              點點滴滴滿心脾
lîn-sing tsáng ū lī bián sî                            tiám-tiám-tih-tih muá sim pî

將你 佇我 心底 藏起                                       徐徐的清風吹目墘
tsiong lí  tī guá sim té tshàng khí              tsi tsi-á tshing-hong tshue ba̍k kînn

下晡無人鐵路邊                                              也有田土的氣味
ē-poo bô-lâng thih lōo-pinn                       iā ū tshân-thôo ê khì-bī

草仔發甲滿滿是                                              我也快步向前去
tsháu-á huat kah muá-muá-sī                   guá iā khuài-pōo hiòng-tsiân khì

人生總有離別時                                              深深數念無枉費
lîn-sing tsáng ū lī bián sî                             tshim-tshim siàu-liām bô óng-huì

將你 佇我 心底 藏起                                       徐徐的清風吹目墘
tsiong lí  tī guá sim té tshàng khí              tsi tsi-á tshing-hong tshue ba̍k kînn

大樹遮著半爿天                                              自由自在免提醒
Tuā tshiū jia tio̍h puànn-pîng-thinn         tsū-iû tsū-tsāi bián thê-tshínn

走傱毋捌來懷疑                                              我也會來綴著你
tsáu tsông m̄ bat lâi huâi-gî                       guá iā ē lâi tuè tio̍h lí

人生總有離別時                                              無底的愛上可貴
lîn-sing tsáng ū lī bián sî                            bô tí ê ài siōng khó-kuì

將你 佇我 心底 藏起                                       徐徐的清風吹目墘
tsiong lí  tī guá sim té tshàng khí              tsi tsi-á tshing-hong tshue ba̍k kînn

徐徐的清風吹目墘
tsi tsi-á tshing-hong tshue ba̍k kînn