10 – 我是老大

作詞:伍佰   作曲:伍佰  台語拼音:關德樂

我是老大                  我是老大
guá sī láu-tuā        guá sī láu-tuā

四爿看過攏無山                                         攏無山                   攏無山
sì pîng khuànn kuè láng bô suann      láng bô sua          láng bô sua

大步向前做陣行                                         真快活                          真快活
tuā-pōo hiòng-tsiân tsuè tīn kiânn       tsin khuìnn-ua̍h       tsin khuìnn-ua̍h

講到做到袂拖沙                                   無拖沙                  無拖沙
kóng-thàu tsò-kàu buē thua-sua    bô thua-sua        bô thua-sua

眼神堅定綴我行                                  一定贏                 一定贏
gán-sîn kian-tīng tuè guá kiânn    it-tīng iânn        it-tīng iânn

豪情迵海                          互相照顧                            阮也毋捌來厭氣
hô-tsîng thàng hái        hōo-siong tsiàu-kòo        gún iā m̄ bat lâi iàn-khì

胸懷四方                       全心全意                       誠心你就會順序
hing-huâi sì-hng        tsuân-sim tsuân-ì        tsin-sim lí tō ē sūn-sī

我是老大
guá sī láu-tuā

行的時陣愛相褒                    要相褒            要相褒
kiânn êsî-tsūn ài sio-po    ài sio-po        ài sio-po

心情愛像阿不倒                  捒袂倒               捒袂倒
sim-tsîng ài jû a-put-tó    sak buē tó        sak buē tó

兄弟遮濟袂囉嗦                         無囉嗦             無囉嗦
hiann-tī tsiah tsē buē lô-so    buē lô-so        buē lô-so

七早八早準備好                          等結果               等結果
tshit-tsá-peh-tsá tsún-pī hó    tán kiat ké        tán kiat ké

豪情迵海                          互相照顧                            阮也毋捌來嚥氣
hô-tsîng thàng hái        hōo-siong tsiàu-kòo        gún iā m̄ bat lâi iàn-khì

胸懷四方                       全心全意                        堅苦我嘛袂提起
hing-huâi sì-hng        tsuân-sim tsuân-ì        kian khóo guá mah buē thê-khí

盡心就兩字                    做錯是過去                      凡事莫勉強                         自己就是天
tsīn-sim tō nn̄g gī        tsò tshò sī kuè khì        bān-sū bo̍h bián-kióng    tsū-kí tō sī thinn

我是老大
guá sī láu-tuā

一山猶有一山高                            一山高                 一山高
i̍t suann iáu-ū i̍t suann ko        i̍t suann ko        i̍t suann ko

自由自在好七逃                         好七逃               好七逃
tsū-iû tsū-tsāi hó tshit tô        hó tshit tô        hó tshit tô

毋免在意人呵咾                         人呵咾            人呵咾
m̄-bián tsāi-ì lâng o-ló            lâng o-ló        lâng o-ló

管伊時勢按怎搬                                   我上扦                           我上扦
kuán-i sî-sè án-tsuánn puann        guá tsiūnn tshuann    guá tsiūnn tshuann

豪情迵海                          互相照顧                            阮也毋捌來嚥氣
hô-tsîng thàng hái        hōo-siong tsiàu-kòo        gún iā m̄ bat lâi iàn-khì

胸懷四方                       全心全意                        才袂枉費人挺你
hing-huâi sì-hng        tsuân-sim tsuân-ì        tsiah buē óng-huì lâng thīn lí

盡心就兩字                     做錯是過去                     凡事莫勉強                          自己就是天
tsīn-sim tō nn̄g gī        tsò tshò sī kuè khì        bān-sū bo̍h bián-kióng     tsū-kí tō sī thinn

我是老大
guá sī láu-tuā